PSV vingeri Joan Bakayoko faoliyatini Angliya premyer-ligasida davom ettirishi mumkin. Bu haqda Voetbalkrant xabar bermoqda. Manbaga ko‘ra, "Liverpul" 20 yoshli belgiyalik futbolchini kuzatishda davom etmoqda, biroq u hozirda mersisaydliklar uchun ustuvor maqsad emas.

Bundan tashqari, "Manchester Siti" Bakayokoga ko‘z tikkan va yozgi transfer oynasida futbolchini qo‘lga kiritishga tayyorligi xabar qilingan. Qayd etilishicha, shaharliklar uchun bu transferni amalga oshirish oson bo‘lmaydi, chunki yaqinda Bakayoko uchun kurashga Fransiyaning "PSJ" va Germaniyaning "Bavariya" klublari qo‘shilgan.

Manbaning ta’kidlashicha, futbolchi yozda albatta PSVni tark etadi, ammo Niderlandiya jamoasi Bakayoko uchun keladigan eng foydali taklifni tanlash niyatida.