ПСВ вингери Жоан Бакайоко фаолиятини Англия премьер-лигасида давом эттириши мумкин. Бу ҳақда Voetbalkrant хабар бермоқда. Манбага кўра, "Ливерпуль" 20 ёшли белгиялик футболчини кузатишда давом этмоқда, бироқ у ҳозирда мерсисайдликлар учун устувор мақсад эмас.
Бундан ташқари, "Манчестер Сити" Бакайокога кўз тиккан ва ёзги трансфер ойнасида футболчини қўлга киритишга тайёрлиги хабар қилинган. Қайд этилишича, шаҳарликлар учун бу трансферни амалга ошириш осон бўлмайди, чунки яқинда Бакайоко учун курашга Франциянинг "ПСЖ" ва Германиянинг "Бавария" клублари қўшилган.
Манбанинг таъкидлашича, футболчи ёзда албатта ПСВни тарк этади, аммо Нидерландия жамоаси Бакайоко учун келадиган энг фойдали таклифни танлаш ниятида.
