Belgiyalik himoyachi Toma Menye Dortmundning "Borussiya" klubini tark etadi. Bu haqda Germaniya top-klubi matbuot xizmati xabar berdi. 32 yoshli futbolchining yangi ish joyi Turkiyaning "Trabzonspor" klubi bo‘ldi.
Avvalroq matbuotda Menyening "bamblar" bilan shartnomasini bekor qilishi va turk klubiga erkin agent sifatida qo‘shilishi haqida xabarlar tarqalgan edi. Joriy mavsumda himoyachi dortmundliklar safida to‘qqizta o‘yinda maydonga tushib, gol ura olmadi.
Tomaning transfer narxi 2,5 million yevroga baholanmoqda. “Trabzonspor” Superligada peshqadamdan 26 ochko ortda qolgan holda to‘rtinchi o‘rinda bormoqda.
