Бельгиялик ҳимоячи Тома Менье Дортмунднинг "Боруссия" клубини тарк этади. Бу ҳақда Германия топ-клуби матбуот хизмати хабар берди. 32 ёшли футболчининг янги иш жойи Туркиянинг "Трабзонспор" клуби бўлди.
Аввалроқ матбуотда Меньенинг "бамблар" билан шартномасини бекор қилиши ва турк клубига эркин агент сифатида қўшилиши ҳақида хабарлар тарқалган эди. Жорий мавсумда ҳимоячи дортмундликлар сафида тўққизта ўйинда майдонга тушиб, гол ура олмади.
Томанинг трансфер нархи 2,5 миллион еврога баҳоланмоқда. “Трабзонспор” Суперлигада пешқадамдан 26 очко ортда қолган ҳолда тўртинчи ўринда бормоқда.
