Арда Гюлер Мадриднинг «Реал» клуби вакиллари томонидан Жаҳон чемпионати — 2026да киритилган ўнинчи голга муаллифлик қилди.
21 ёшли ярим ҳимоячи Туркия терма жамоасининг АҚШга қарши кечган ва туркларнинг 3:2 ҳисобидаги ғалабаси билан якунланган учрашувида ўз номини таблога ёздириб қўйди. Opta маълумотларига кўра, «қаймоқранглилар»нинг амалдаги футболчилари ҳисобида ушбу мундиалда аллақачон ўнта гол мавжуд — бу барча клублар ўртасида катта фарқ билан энг яхши кўрсаткичдир. Иккинчи ўринни вакиллари олтитадан гол урган «ПСЖ», «Кристал Пэлас» ва «Сандерленд» клублари бўлишиб турибди.
«Реал» футболчиларидан, юқорида номи тилга олинган Гюлердан ташқари, ЖЧ-2026да рақиблар дарвозасини Винисиус Жуниор, Килиан Мбаппе (иккаласида ҳам тўрттадан гол) ва Жуд Беллингем (битта гол) ишғол қилишга улгурди.
