"Brentford" bosh murabbiyi Tomas Frankning fikricha, hujumchi Ayvan Touni yozgi transfer oynasida klubni tark etishi aniq.

“Touni katta ehtimol bilan yozda sotiladi. Eng yaxshi futbolchini qimmatga sotishingiz mumkin, garchi uning biz bilan shartnomasi tugashiga bir yil qolganini bilsam ham. Lekin biz uning qadrini bilamiz. Menimcha, hozir dunyoda yaxshiroq o‘ynagan hujumchilar ko‘p emas. Murabbiy sifatida men Tounini jamoada saqlab qolishni istardim, lekin uni top-klubda ko‘rish ajoyib bo‘lardi”, dedi Frank.