Jud Bellingemning Angliya terma jamoasidagi sherigi Jeyms Meddison yosh inglizning mentaliteti uning yoshi bilan bir xil emasligini aytdi.
“Jud? Ajoyib yigit, men uni yaxshi ko‘raman. Yosh bo‘lishiga qaramay u bilan yaxshi munosabatdamiz. U shunchaki 30 yoshli erkakka xos mentalitetga ega va u futbolga juda berilib ketgan!”, - deya Meddisonning so‘zlarini keltiradi Goal.
Bellingem endigina 20 yoshda, lekin u allaqachon "Real Madrid"ning eng sermahsul futbolchilaridan biri. Joriy mavsumda Jud "Qirollik klubi" uchun 18 ta gol va 8 ta golli uzatmani amalga oshirdi.