UEFA 2004-2027 yillarda tashkilot tasarrufi ostidagi musobaqalarda ishtirok etadigan klublarga pul taqsimlash rejasini e’lon qildi.

UEFA ko‘rsatilgan davrda 4,4 milliard yevro miqdorida daromad olishi kutilmoqda.

Rejaga ko‘ra, kelgusi 4 mavsumda yevrokuboklarning guruh bosqichiga chiqa olmagan jamoalarga jami 440 million yevro to‘lab beriladi.

Bundan tashqari, Ayollar va o‘smirlar o‘rtasidagi chempionlar ligasi musobaqalari uchun 25 milion yevro miqdoridagi pul zaxira qilinadi.

Qolgan summaning 93,5 foizi yevrokuboklarda ishtirok etadigan klublar o‘rtasida taqqsimlansa, 6,5 foizi UEFAning o‘zida qoladi.

Shundan: 2,467 mlrd yevro (74,38%) Yevropa chempionlar ligasi va UEFA superkubogi ishtirokchilariga berilsa, 565 mln yevro (17,02%) – Yevropa ligasida qatnashadigan jamoalarga taqdim etiladi. 285 mln yevro (8,60%) esa Konferensiyalar ligasi musobaqasi ishtirokchilariga topshiriladi.