Fransiya kubogi 1/8 finali doirasida “PSJ” klubi o‘z maydonida “Brest”ni qabul qildi. Mezbonlar 3:1 hisobida g‘alabani nishonlashdi, parijliklarning gollaridan birini yulduz hujumchi Kilian Mbappe kiritdi.
Squawka xabariga ko‘ra, 25 yoshli forvard joriy mavsumda 30 ta gol urgan birinchi futbolchi bo‘ldi. Bunga erishish uchun Mbappe 29 ta o‘yin o‘tkazishi kerak bo‘ldi. Kilian gollardan tashqari yettita golli uzatmaga ham ega.
Fransiyalik futbolchining transfer qiymati 180 million yevroga baholanmoqda. Tomonlar o‘rtasidagi amaldagi shartnoma kelasi yilning yozida yakuniga yetadi.
