Франция кубоги 1/8 финали доирасида “ПСЖ” клуби ўз майдонида “Брест”ни қабул қилди. Мезбонлар 3:1 ҳисобида ғалабани нишонлашди, парижликларнинг голларидан бирини юлдуз ҳужумчи Килиан Мбаппе киритди.
Squawka хабарига кўра, 25 ёшли форвард жорий мавсумда 30 та гол урган биринчи футболчи бўлди. Бунга эришиш учун Мбаппе 29 та ўйин ўтказиши керак бўлди. Килиан голлардан ташқари еттита голли узатмага ҳам эга.
Франциялик футболчининг трансфер қиймати 180 миллион еврога баҳоланмоқда. Томонлар ўртасидаги амалдаги шартнома келаси йилнинг ёзида якунига етади.