"Real" vingeri Rodrigo Goes "qaymoqranglilar" chempionlik uchun kurashda "Jirona"ni yirik hisobda mag‘lubiyatga uchratgan Ispaniya Primerasining so‘nggi 24-turidan so‘ng "qirollik" klubi bosh murabbiyi Karlo Anchelottiga maqtovlar bilan gapirdi.
“Bu muhim uchrashuv edi. Biz g‘alaba qozonish har doim muhimligini bilamiz, ammo bu o‘yin muhimroq bo‘ldi. Hammasi yaxshi o‘tdi va biz g‘alabadan xursandmiz. Murabbiy hech qachon men bilan gollar haqida gaplashmaydi, chunki u menga, men esa unga ishonaman. Ba’zida yaxshi lahzalar bo‘lmaydi, lekin men unga qo‘llab-quvvatlagani uchun rahmat aytmoqchiman, chunki u doimo men bilan. Bugun u menga yana bir imkoniyat berdi va men gol urdim, bu meni hozir xursand qiladi", - deydi Rodigo.
Eslatib o‘tamiz, joriy mavsum Rodigo barcha turnirlarda 34 ta o‘yinda maydonga tushib, 13 ta gol va 7 ta golli uzatmaga mualliflik qilgan.
