Turinning “Yuventus” klubi bosh murabbiyi Massimiliano Allegri jamoa himoyachisi Aleks Sandroga yuqori baho berdi. Italiyalik mutaxassis, shuningdek, braziliyalik futbolchining ahvoli "keksa sinyora"ning navbatdagi o‘yinida ishtirok etishi uchun yetarli darajada ekanligini aytib o‘tdi.
“Aleks ertangi “Udineze”ga qarshi o‘yinda maydonga tushishi kerak. U jamoada 8-9 yil o‘tkazgan juda muhim futbolchi. O‘ylashimcha, Sandro hali futbolga ko‘p narsa berishi kerak. Hozirda unga o‘xshagan futbolchini topish juda qiyin", - dedi Allegri matbuot anjumanida.
33 yoshli Sandroning "Yuventus" bilan shartnomasi mavsum oxirida yakuniga yetadi. Braziliyalik futbolchi klubni erkin agent sifatida tark etishi mumkin.
