Туриннинг “Ювентус” клуби бош мураббийи Массимилиано Аллегри жамоа ҳимоячиси Алекс Сандрога юқори баҳо берди. Италиялик мутахассис, шунингдек, бразилиялик футболчининг аҳволи "кекса синьора"нинг навбатдаги ўйинида иштирок этиши учун етарли даражада эканлигини айтиб ўтди.
“Алекс эртанги “Удинезе”га қарши ўйинда майдонга тушиши керак. У жамоада 8-9 йил ўтказган жуда муҳим футболчи. Ўйлашимча, Сандро ҳали футболга кўп нарса бериши керак. Ҳозирда унга ўхшаган футболчини топиш жуда қийин", - деди Аллегри матбуот анжуманида.
33 ёшли Сандронинг "Ювентус" билан шартномаси мавсум охирида якунига етади. Бразилиялик футболчи клубни эркин агент сифатида тарк этиши мумкин.
