“Andijon” jamoasi navbatdagi kelishuvni amalga oshirdi. Bu yil 24 yoshni qarshilaydigan iqtidorli himoyachi Marlen Chobanov rasman “Andijon” a’zosiga aylandi.
Ma’lumot uchun, Chobanov 2000 yilning 10 oktyabr sanasida tavallud topgan. Ampluasi markaziy himoyachi. Marlenning oxirgi klubi Yaypanning “Turon” jamoasi. Futbolchi “Turon”dan tashqari Kiyevning “Obolon” yoshlar jamoasi hamda Toshkentning “Paxtakor” klubida to‘p tepgan.
Ma’lumot o‘rnida shuni qo‘shimcha qilib o‘tish joizki, uning dadasi sobiq futbolchi Burgandin Chobanov. Yoshi katta muxlislar buni yaxshi eslaydilar. Endilikda esa uning o‘g‘li Marlen Chobanov “Andijon” sharafini himoya qiladi.
