"PSJ" rahbariyati Kilian Mbappening ketishi mumkin bo‘lgan vaziyat bo‘yicha o‘tgan yilga nisbatan o‘z pozisiyasini o‘zgartirdi, deb xabar beradi Marca.
Endi parijliklarning pozisiyasi shuki, klubdagi hech bir futbolchining manfaati klubning o‘zidan yuqori bo‘la olmaydi, hatto o‘sha futbolchi Mbappe bo‘lsa ham. "PSJ" prezidenti Nosir Al-Xelayfi hech bir futbolchining xohishiga bo‘ysunmaydi. Klub fransiyalik futbolchining katta ehtimol bilan "Real"ga o‘tishini tushunadi, biroq ular uning qolishini istashadi, biroq avvalgidek Kilianni ko‘ndirmoqchi emaslar.
Manbaning xabar berishicha, qatarlik xo‘jayinlar o‘tgan mavsumda klub siyosatini o‘zgartirishga qaror qilgan, ular bosh murabbiy Luis Enrikega ishonishgan va Mbappe yetakchiga aylangan holda yosh futbolchilarni rivojlantirish va yosh jamoa qurish vektorini tanlagan.
