"Manchester Siti" bosh murabbiyi Pep Gvardiola Chempionlar ligasi 1/8 finali birinchi o‘yinida "Kopengagen" ustidan qozonilgan g‘alaba (3:1) haqida fikr bildirdi.
“Biz juda yaxshi o‘yin o‘tkazdik. Bunday tezlikda o‘ynaganimiz ajoyib bo‘ldi. Kerakli paytlarda sabr qildik. Men yana jamoam bilan faxrlanaman, lekin bu hali yakun emas. Uchinchi gol bizga katta yordam berdi va umid qilamanki, biz muxlislarimiz oldida ishni yakunlab, keyingi bosqichga chiqamiz.
Bugun asosiy vazifa keyingi bosqichga chiqish imkoniyatini boy bermaslik edi. Biz o‘tkazib yuborishimiz mumkin bo‘lgan golni o‘tkazib yubordik, lekin ba’zida bunday holatlar sodir bo‘ladi. O‘tkazib yuborilgan golga yaxshi munosabatda bo‘ldik va tanaffusga qadar ikkinchi golni kiritdik. "Bavariya" va "Manchester Yunayted" bilan nima bo‘lganini bilaman. "Kopengagen"ga qarshi o‘yinlar juda qiyin va shiddatli bo‘lishi aniq, shuning uchun biz shunday yuqori sur’atni belgilab oldik", - deya Gvardiolaning so‘zlaridan iqtibos keltiradi UEFA matbuot xizmati.
