"Манчестер Сити" бош мураббийи Пеп Гвардиола Чемпионлар лигаси 1/8 финали биринчи ўйинида "Копенгаген" устидан қозонилган ғалаба (3:1) ҳақида фикр билдирди.
“Биз жуда яхши ўйин ўтказдик. Бундай тезликда ўйнаганимиз ажойиб бўлди. Керакли пайтларда сабр қилдик. Мен яна жамоам билан фахрланаман, лекин бу ҳали якун эмас. Учинчи гол бизга катта ёрдам берди ва умид қиламанки, биз мухлисларимиз олдида ишни якунлаб, кейинги босқичга чиқамиз.
Бугун асосий вазифа кейинги босқичга чиқиш имкониятини бой бермаслик эди. Биз ўтказиб юборишимиз мумкин бўлган голни ўтказиб юбордик, лекин баъзида бундай ҳолатлар содир бўлади. Ўтказиб юборилган голга яхши муносабатда бўлдик ва танаффусга қадар иккинчи голни киритдик. "Бавария" ва "Манчестер Юнайтед" билан нима бўлганини биламан. "Копенгаген"га қарши ўйинлар жуда қийин ва шиддатли бўлиши аниқ, шунинг учун биз шундай юқори суръатни белгилаб олдик", - дея Гвардиоланинг сўзларидан иқтибос келтиради УЕФА матбуот хизмати.
