Dzyudo bo‘yicha O‘zbekiston terma jamoasida yaponiyalik murabbiy Miki Tanaka ish boshladi.
Bu haqida mamlakat dzyudo federasiyasi ma’lum qildi. Mutaxassis bugun terma jamoa bilan Boku “Katta dubulg‘a” turniriga jo‘nab ketdi.
Tanaka ayollar terma jamoasiga jalb qilingan. Bu orqali dzyudochi qizlarimizni Toshkent “Katta dubulg‘a” turniri, shuningdek, jahon chempionati va Parij-2024 Olimpiya o‘yinlariga puxta tayyorlash ko‘zda tutilgan.
Mutaxassis o‘zbek dzyudosining qayd etayotgan ulkan natijalari, qolaversa, O‘zbekistonda Ilias Iliadis, Marko Shpitka kabi kuchli mutaxassislar ishlayotgani bois terma jamoadan tushgan taklifga qiziqish bildirganini ta’kidladi.
