Angliyada Premyer-liganing yigirma beshinchi tur o‘yinlari bo‘lib o‘tdi.

“Tottenxem” navbatdagi omadsizlikka uchradi – Anje Postekoglu jamoasi o‘z maydonida “Vulverxempton”ga imkoniyatni boy berdi.

Jamoa ustozi o‘yin natijalari haqida fikr bildirdi, uning fikricha, o‘yinchilar tartib-intizomni qo‘yib yuborishgan.

U birinchi bo‘limning kuchsizligidan ham nolidi:

"Yana birinchi bo‘limda qo‘limizdan kelganicha o‘ynamadik. Biz o‘yinni nazorat qilishga harakat qildik, ammo o‘tkir bo‘la olmadik.

Har ikki golni ham konsentrasiya va tartibsizlik tufayli o‘tkazib yubordik. Bu juda ham xafsalamizni pir qildi”, - deya Postekogluning so‘zlarini keltiradi BBC Sport.