Fransiya terma jamoasida o‘ynagan jahon va Yevropa chempioni Emmanuel Peti "PSJ" hujumchisi Kilian Mbappening "Real"ga o‘tishi mumkinligi haqida fikr bildirdi.
"Agar Mbappe "Real"ga o‘tsa, bu muammo bo‘lishi mumkin. Nafaqat maosh, balki yetakchilik nuqtai nazaridan ham. Bellingem va Vinisius ajoyib, agar Mbappe "Real"ga o‘tsa, u markaziy hujumchi sifatida o‘ynashiga to‘g‘ri keladi, yaqinda "PSJ"da o‘ynaganidek. Lekin hammamiz bilamizki, bu uning eng yaxshi pozisiyasi emas. Juda ko‘p savollar va juda kam javoblar. Biz Fransiyada ham bundan charchadik: har olti oyda bir xil voqea. U ketyaptimi? U ketmoqchimi? U ketadimi? U qolishni xohlamayaptimi? Biz har doim "PSJ" haqida gapirmaymiz, biz doim Mbappe haqida gaplashamiz", - dedi Peti AS bilan suhbatda.
