Франция терма жамоасида ўйнаган жаҳон ва Европа чемпиони Эммануэль Пети "ПСЖ" ҳужумчиси Килиан Мбаппенинг "Реал"га ўтиши мумкинлиги ҳақида фикр билдирди.
"Агар Мбаппе "Реал"га ўтса, бу муаммо бўлиши мумкин. Нафақат маош, балки етакчилик нуқтаи назаридан ҳам. Беллингем ва Винисиус ажойиб, агар Мбаппе "Реал"га ўтса, у марказий ҳужумчи сифатида ўйнашига тўғри келади, яқинда "ПСЖ"да ўйнаганидек. Лекин ҳаммамиз биламизки, бу унинг энг яхши позицияси эмас. Жуда кўп саволлар ва жуда кам жавоблар. Биз Францияда ҳам бундан чарчадик: ҳар олти ойда бир хил воқеа. У кетяптими? У кетмоқчими? У кетадими? У қолишни хоҳламаяптими? Биз ҳар доим "ПСЖ" ҳақида гапирмаймиз, биз доим Мбаппе ҳақида гаплашамиз", - деди Пети AS билан суҳбатда.
