Yangi mavsum boshlanishiga ham tobora oz vaqt qolmoqda. «Andijon» klubi esa 2024 yilgi birinchilikda yangicha dizayn va ko‘rinishga ega bo‘lgan ekipirovka hamda formalardan foydalanadi.

Gap shundaki, jamoa yanada yuqori sifatni kafolatlovchi brend – Daniyada ishlab chiqariladigan taniqli «Hummel» mahsulotlaridan foydalanish yuzasidan o‘zaro kelishuvga erishilgan. Shu bois «Andijon»ni to‘liq holatda mazkur brend kiyintiradi.

Qayd etish joizki, «Hummel» brendidan Yevropaning taniqli va nomdor klublari ham foydalanib keladi. Masalan, ularning orasida «Sautgempton», «Kyoln», «Verder», «Everton» klublari va Daniya terma jamoasini tilga olib o‘tish mumkin.

«Andijon» jamoamizning yangi mavsumdagi asosiy (uy) formasi qizil rangda bo‘ladi. Safar formasi esa oq rangli.

Shuningdek, darvozabonlarimizni uy o‘yinlaridagi formasi ko‘k rangda, safar uchrashuvlaridagi formasi yashil rangdan iborat bo‘ladi.

Uy formasi                                                        Darvozabon formasi

Safar formasi                                                   Darvozabon formasi