"PSJ" yarim himoyachisi Karlos Soler Fransiya chempionatini tark etib, Ispaniyaga ko‘chib o‘tishi mumkin. Manbaga ko‘ra, "Real Sosyedad" 27 yoshli yarim himoyachini sotib olishga qiziqish bildirmoqda.

Ispaniya klubi yozgi transfer oynasida futbolchini qo‘lga kiritishga harakat qiladi. Karlosning bozor narxi 20 million yevroga baholanmoqda, uning parijliklar bilan shartnomasi 2027 yilning yozida yakuniga yetadi.

Yarim himoyachi joriy mavsum Fransiya chempionatida 16 ta o‘yinda maydonga tushdi. Soler bitta gol va ikkita golli uzatmani amalga oshirdi.