Ispaniya terma jamoasi bosh murabbiyi Luis de la Fuente jamoa bilan 2026 yilgacha mo‘ljallangan yangi shartnoma imzoladi. Bu haqda "qizil furiya" o‘z saytida rasman e’lon qildi.

Eslatib o‘tamiz, de la Fuente 2022 yilda Luis Enrike jamoa bosh murabbiyligidan ketganidan keyin Ispaniya terma jamoasini qabul qilib olgan edi. Ishlagan davr mobaynida Luis jamoani kelasi yozda Germaniyada bo‘lib o‘tadigan Yevropa chempionati guruh bosqichiga olib chiqishga muvaffaq bo‘ldi.

Bungacha de la Fuente Ispaniya yoshlar terma jamoasini boshqargan. O‘smirlar bilan ishlashdagi xizmatlari tufayli murabbiy asosiy jamoani boshqarish imkoniyatiga ega bo‘ldi.