Испания терма жамоаси бош мураббийи Луис де ла Фуэнте жамоа билан 2026 йилгача мўлжалланган янги шартнома имзолади. Бу ҳақда "қизил фурия" ўз сайтида расман эълон қилди.

Эслатиб ўтамиз, де ла Фуэнте 2022 йилда Луис Энрике жамоа бош мураббийлигидан кетганидан кейин Испания терма жамоасини қабул қилиб олган эди. Ишлаган давр мобайнида Луис жамоани келаси ёзда Германияда бўлиб ўтадиган Европа чемпионати гуруҳ босқичига олиб чиқишга муваффақ бўлди.

Бунгача де ла Фуэнте Испания ёшлар терма жамоасини бошқарган. Ўсмирлар билан ишлашдаги хизматлари туфайли мураббий асосий жамоани бошқариш имкониятига эга бўлди.