Qizil maydonda sportchilarning birinchi paradi avgust oyining birinchi dam olish kunlarida o‘tkazilishi rejalashtirilgan, dedi tashabbus muallifi, Xalqaro boks assosiasiyasi prezidenti Umar Kremlyov.
Tashkilotchilar 10 000 ga yaqin odam qatnashishini rejalashtirmoqda.
"Sportchilarning birinchi paradi avgust oyining birinchi dam olish kunida Qizil maydonda bo‘lib o‘tadi", dedi Kremlyov TASSga. Uning so‘zlariga ko‘ra, tashkilotchilar musobaqada barcha sport turlariga doir 10 mingga yaqin odam ishtirok etishni rejalashtirgan.
Avvalroq, “Rossiya – sport qudrati” forumi chog‘ida Kreml Qizil maydonda sport paradlarini jonlantirish, shuningdek, 2024-yilni Sport yiliga aylantirish tashabbusi bilan chiqqan edi.
Rossiya prezidenti Vladimir Putin bu fikrni qo‘llab-quvvatladi. Dekabr oyida davlat rahbari hukumatga 2024-yil 1-martgacha Qizil maydonda sport paradlarini o‘tkazish bo‘yicha takliflar kiritishni topshirgan edi.
Ma’lumot uchun, 1931 yildan boshlab har yili Iosif Stalin ishtirokida paradlar o‘tkazila boshlandi va ularda minglab odamlar qatnashdi.
1936 yildan boshlab Moskvada Butunittifoq jismoniy tarbiya paradlari o‘tkazila boshlandi. Paradlarni o‘tkazish an’anasi Ulug‘ Vatan urushi bilan to‘xtatildi. Urushdan keyingi birinchi sportchilar paradi 1945 yil avgustda bo‘lib o‘tdi. U Ulug‘ Vatan urushidagi g‘alabaga bag‘ishlandi.
Unda barcha ittifoq respublikalaridan 25 ming ishtirokchi qatnashdi. 1946 yildan boshlab sportchilarning paradlari "Dinamo" stadioniga ko‘chirildi. Bunday voqea oxirgi marta 1954 yilda bo‘lib o‘tgan.
