"Barselona" bosh murabbiyi Xavi La Liga doirasida "Xetafe"ga qarshi uy uchrashuvi oldidan jurnalistlar bilan suhbatlashdi. Mutaxassis taqvim bo‘yicha savol oldi. Chorshanba kuni "blaugrana" Chempionlar ligasida "Napoli"ga qarshi o‘ynagan bo‘lsa, shanba kuni "Xetafe"ga qarshi maydonga tushadi.
“O‘ylaymanki, yakshanba yoki dushanba kuni o‘ynash yaxshiroq bo‘lardi. Lekin biz bahona qidirmayapmiz. Oldin ham shunday kunlarla o‘ynaganimiz uchun biz uch ochko uchun o‘ynaymiz va kurashamiz.
Jamoaga dam olish kerakmi? Men allaqachon javob berdim. Buni muhokama qilishning ma’nosi yo‘q. Bir-ikki kundan keyin o‘ynash yaxshiroq bo‘lardi, ammo bu bahona emas", - dedi Xavi.
"Barselona" - "Xetafe" uchrashuvi 24 fevral kuni Toshkent vaqti bilan soat 20:15da boshlanadi.
