"Барселона" бош мураббийи Хави Ла Лига доирасида "Хетафе"га қарши уй учрашуви олдидан журналистлар билан суҳбатлашди. Мутахассис тақвим бўйича савол олди. Чоршанба куни "блауграна" Чемпионлар лигасида "Наполи"га қарши ўйнаган бўлса, шанба куни "Хетафе"га қарши майдонга тушади.
“Ўйлайманки, якшанба ёки душанба куни ўйнаш яхшироқ бўларди. Лекин биз баҳона қидирмаяпмиз. Олдин ҳам шундай кунларла ўйнаганимиз учун биз уч очко учун ўйнаймиз ва курашамиз.
Жамоага дам олиш керакми? Мен аллақачон жавоб бердим. Буни муҳокама қилишнинг маъноси йўқ. Бир-икки кундан кейин ўйнаш яхшироқ бўларди, аммо бу баҳона эмас", - деди Хави.
"Барселона" - "Хетафе" учрашуви 24 февраль куни Тошкент вақти билан соат 20:15да бошланади.
