"Manchester Yunayted" va "Arsenal" "Fenerbaxche" yarim himoyachisi Sebastyan Shimanskiga qiziqish bildirmoqda.
TeamTalk xabariga ko‘ra, har ikki klub ham 24 yoshli polyak bilan tarkibini kuchaytirish imkoniyatini ko‘rmoqda.
29 yanvar kuni Shimanskiga Angliyaning boshqa bir klubi “Tottenxem” da’vogarlik qilayotgani xabar qilingandi.
2023/24 yilgi mavsumda Shimanski "Fenerbaxche" safida barcha musobaqalarda 39 ta o‘yinda maydonga tushib, 12 ta gol urdi va 14 ta golga assistentlik qildi. Transfermarkt.com portali futbolchining narxini 20 million yevroga baholagan.
Shimanski 2019 yilning iyulidan 2022 yilning iyuligacha Moskvaning “Dinamo” jamoasida o‘ynagan.