"Lasio"ning sobiq sport direktori Igli Tare avvalroq Rim klubini boshqargan "Inter" ustozi Simone Indzagi haqida o‘z fikrlari bilan o‘rtoqlashdi.

Tarening ta’kidlashicha, Indzagi futbolchilik faoliyati davomida allaqachon o‘zgacha bo‘lgan. Uning fikricha, Xosep Gvardiola haqida ham shunday deyish mumkin.

"Uning tashqi ko‘rinishi aldamchi. Simone doim quvnoq ko‘rinadi, lekin aslida unda chuqurlik bor, u hamma narsaga e’tibor beradi", - dedi funksioner Calciomercato bilan suhbatda.

Igli, shuningdek, Indzagi jamoada munosabatlarni o‘rnatishda zo‘r ekanligiga ishonadi, shuning uchun u ko‘pincha jamoalar bilan muvaffaqiyatga erishadi.