Germaniya terma jamoasi va Myunxenning "Bavariya" klubi sobiq yarim himoyachisi Lotar Matteus myunxenliklar jamoasi bosh murabbiyi lavozimiga kim ko‘proq mos kelishi haqida o‘z fikri bilan o‘rtoqlashdi.
“Xabi Alonso o‘zining rezyumelari, ishonchliligi va Leverkuzendagi muvaffaqiyati tufayli "Bavariya" ro‘yxatida birinchi o‘rinda turishi kerak. Men Yevropada yoki dunyoda Alonsodan ko‘ra mos keladigan murabbiyni ayta olmayman. Ammo Alonso bor e’tiborini “Bayer”ga qaratgan va bu yaxshi deb o‘ylayman", - deb Matteus so‘zlarini keltirmoqda Sky Sport Germany.
Avvalroq “Bavariya” Tomas Tuxel mavsum yakunida klub bosh murabbiyi lavozimini tark etishini e’lon qilgan edi. Ayni vaqtda Bundesliganing 23-turidan so‘ng, "Bavariya" 53 ochko bilan ikkinchi o‘rinda bormoqda.
