Osiyo mintaqasida JCH-2026 saralashining 2-bosqich so‘nggi tur uchrashuvida O‘zbekiston terma jamoasi Tehronda Eron mehmoni bo‘lishidan xabaringiz bor.
Hozirda Jaloliddin Masharipov, Oston Urunov va Doston Tursunov kabi legionerlarimiz Eron chempionatida to‘p surishidan tashqari, bir qator legionerlarimiz ham o‘z klublarida eronlik futbolchilar bilan birga to‘p tepishi e’tiborimizni tortdi:
"Rubin"
R. Ashurmatov, U. Rahmonaliyev va Kasro Tohiri
SSKA
A. Fayzullayev va Amirhossayn Reyvandi
"Kayserispor"
O. Shukurov va Ali Karimi, Majid Hossayni
"Al Vahda"
H. Erkinov va Ahmad Nurullohi
"Shabab al-Ahli"
A. G‘aniyev va Said Izzatulohi
Eron terma jamoasida 6-raqamda harakat qiluvchi Izzatulohi ushbu raqam "Shabab al-Ahli"da Aziz G‘aniyev tomonidan band qilingani bois, yangi jamoasida 66-raqamni olishga majbur bo‘lgan.
Ikkala terma jamoa futbolchilarining bir klubda to‘p surishi iyun oyidagi uchrashuv haroratini oshirish aniq.
