"Sevilya" hujumchisi Yusuf En-Nesiri yozgi transfer oynasida klubini o‘zgartirishi mumkin.
Andalusiyaliklar marokashlik bilan shartnomani uzaytirishdan manfaatdor, ammo uning faoliyatini davom ettirish uchun boshqa variantlar ham bo‘lishi mumkin. Jurnalist Ekrem Konurning yozishicha, 26 yoshli forvard bilan bog‘liq vaziyatni Italiyaning “Yuventus” va “Milan” klublari, shuningdek, Angliyaning “Vest Xem” va “Vulverxempton” klublari kuzatib bormoqda. Futbolchining amaldagi shartnomasi 2025 yilning o‘rtalariga qadar tuzilgan.
Yusuf En-Nesiri joriy mavsum boshlangandan beri “Sevilya” safida 29 ta o‘yinda maydonga tushib, 11 ta gol urdi. Transfermarkt portali futbolchining narxini 18 million yevroga baholamoqda.
