"Севилья" ҳужумчиси Юсуф Эн-Несири ёзги трансфер ойнасида клубини ўзгартириши мумкин.
Андалусияликлар марокашлик билан шартномани узайтиришдан манфаатдор, аммо унинг фаолиятини давом эттириш учун бошқа вариантлар ҳам бўлиши мумкин. Журналист Экрем Конурнинг ёзишича, 26 ёшли форвард билан боғлиқ вазиятни Италиянинг “Ювентус” ва “Милан” клублари, шунингдек, Англиянинг “Вест Хэм” ва “Вулверхэмптон” клублари кузатиб бормоқда. Футболчининг амалдаги шартномаси 2025 йилнинг ўрталарига қадар тузилган.
Юсуф Эн-Несири жорий мавсум бошлангандан бери “Севилья” сафида 29 та ўйинда майдонга тушиб, 11 та гол урди. Transfermarkt портали футболчининг нархини 18 миллион еврога баҳоламоқда.
