Futbol o‘yini qoidalarini yurituvchi va tartibga soluvchi Xalqaro futbol assosiasiyasi kengashi (IFAB) 2 mart kuni kelasi mavsumdan boshlab ushbu sport turi reglamentiga qanday o‘zgartirishlar kiritilishi haqida qaror qabul qiladi. Bu haqda Marca xabar bermoqda.
Manbaga ko‘ra, joriy etilishi mumkin bo‘lgan qoidalardan biri shundaki, keyingi mavsumdan boshlab faqat jamoa sardorlari futbol maydonida hakam bilan gaplasha oladi.
Agar boshqa o‘yinchi xuddi shunday harakat qilsa, unga sariq kartochka ko‘rsatiladi.
Shuningdek, 2024-yil 30-iyundan boshlab futbol hakamlari o‘yinlar vaqtida maydonda sodir bo‘layotgan voqealarni yozib oluvchi maxsus kamera taqib yurishlari shart bo‘lgan qoida ham kiritilishi mumkin.
