Футбол ўйини қоидаларини юритувчи ва тартибга солувчи Халқаро футбол ассоциацияси кенгаши (ИФАБ) 2 март куни келаси мавсумдан бошлаб ушбу спорт тури регламентига қандай ўзгартиришлар киритилиши ҳақида қарор қабул қилади. Бу ҳақда Marca хабар бермоқда.
Манбага кўра, жорий этилиши мумкин бўлган қоидалардан бири шундаки, кейинги мавсумдан бошлаб фақат жамоа сардорлари футбол майдонида ҳакам билан гаплаша олади.
Агар бошқа ўйинчи худди шундай ҳаракат қилса, унга сариқ карточка кўрсатилади.
Шунингдек, 2024-йил 30-июндан бошлаб футбол ҳакамлари ўйинлар вақтида майдонда содир бўлаётган воқеаларни ёзиб олувчи махсус камера тақиб юришлари шарт бўлган қоида ҳам киритилиши мумкин.
