"Chelsi" bosh murabbiyi Maurisio Pochettino o‘z klubi muxlislari sevgisini his qilmasligini tan oldi.

Bir kun avval, 83-daqiqada Aksel Disasining goli evaziga "Chelsi" "Brentford" bilan o‘yinda mag‘lubiyatdan qutulib qoldi - 2:2.

"Stemford Bridj"dagi o‘yinning ikkinchi yarmida "Chelsi" muxlislari Pochettinodan noroziligini ochiq namoyish qila boshladilar va Maurisio muxlislar bilan bo‘lgan munosabatlari ko‘p narsani xohlamasligini tan olishga majbur.

"Muxlislar sevgisini his qilyapmanmi yoki yo‘qmi, deb avval ham so‘rashgan. Yo‘q. Lekin men tashvishlanmayman - bu munosabatlarni qabul qilishimiz kerak.

Men ishlashda davom etaman va bu munosabatni o‘zgartirishga harakat qilaman. Biz haqiqatni qabul qilishimiz kerak. Biz juda qattiq mehnat qilyapmiz, o‘yinlarda g‘alaba qozonishga harakat qilmoqdamiz va jamoa kurashmoqda.

Agar bu ish bermasa va muxlislar xafa bo‘lsa, men ularning fikrini hurmat qilishim kerak. O‘ylaymanki, munosabatlarimiz yaxshi. Agar ular bugun qilgan ishni qilgan bo‘lsa, demak, bu muxlislarning hissiyotlari borligini ko‘rsatadi.

Men eng yaxshi o‘ynaydigan, gol uradigan va g‘alaba qozonadigan jamoani maydonga tushirish uchun tish-tirnog‘im bilan kurashaman. Bugun men 52 yoshga to‘ldim. Bu biznes ekanligini bilaman, lekin kurashaman", - dedi Pochettino The Independent bilan suhbatda.