"Barselona"ning sobiq himoyachisi Jerar Pike klub rahbariyatini tanqid qildi.
“Barselona” muxlislari haqiqatni bilishni xohlaydi. YECHLda g‘olib chiqamiz deb va’da beriladi, keyin esa musobaqalashish uchun ham pul qolmaydi. Hozir klubning ahvolini bilmayman, ammo unchalik yaxshi ko‘rinmayapti. “Eshiting, bizda bir tiyin ham yo‘q, yaqin ikki-uch yil ichida akademiyaga katta e’tibor qaratamiz”, desangiz, odamlar tushunadi”, - deya Pike so‘zlarini keltiradi AS.
"Barselona" hozirda 58 ochko bilan La Liga turnir jadvalida uchinchi o‘rinda bormoqda. Kataloniyaliklar peshqadam “Real”dan 8 ochko, “Jirona”dan esa bir ochko ortda qolmoqda.
