"Барселона"нинг собиқ ҳимоячиси Жерар Пике клуб раҳбариятини танқид қилди.
“Барселона” мухлислари ҳақиқатни билишни хоҳлайди. ЕЧЛда ғолиб чиқамиз деб ваъда берилади, кейин эса мусобақалашиш учун ҳам пул қолмайди. Ҳозир клубнинг аҳволини билмайман, аммо унчалик яхши кўринмаяпти. “Эшитинг, бизда бир тийин ҳам йўқ, яқин икки-уч йил ичида академияга катта эътибор қаратамиз”, десангиз, одамлар тушунади”, - дея Пике сўзларини келтиради AS.
"Барселона" ҳозирда 58 очко билан Ла Лига турнир жадвалида учинчи ўринда бормоқда. Каталонияликлар пешқадам “Реал”дан 8 очко, “Жирона”дан эса бир очко ортда қолмоқда.