Lionel Messi va Luis Suares MLS tur jamoasidan joy oldi.

"Inter Mayami" chempionatning 3-turi doirasidagi o‘yinda "Orlando Siti"ni mag‘lub etdi. Messi dublga erishdi, Suares esa 2 ta gol urib, 2 ta assist berdi.

Tur yakunida eng yaxshilar safiga “Inter Mayami”ning yana ikki vakili – bosh murabbiy Tata Martino va ikkita golli uzatmani amalga oshirgan yarim himoyachi Yulian Gressel kirdi.

Turning ramziy jamoasidan, shuningdek, darvozabon Shon Jonson (“Toronto”), himoyachilar Aaron Errera (“Di Si Yunayted”), Maylz Robinson (“Sinsinnati”) va Noa Eyl (“Nyu-York Red Bulls”), yarim himoyachilar Andres Gomes (“Real Solt-Leyk”) Lusiano Akosta ("Sinsinnati"), Selio Pompeu ("Sent-Luis Siti") va hujumchi Jozef Peyntsil ("Los-Anjeles Gelaksi") kirgan.

Uch tur natijasiga ko‘ra, "Inter Mayami" ikkita g‘alaba va bir durangga ega. Jamoa navbatdagi o‘yinni 11 mart kuni "Monreal Impakt"ga qarshi o‘tkazadi.