Лионель Месси ва Луис Суарес МЛС тур жамоасидан жой олди.

"Интер Майами" чемпионатнинг 3-тури доирасидаги ўйинда "Орландо Сити"ни мағлуб этди. Месси дублга эришди, Суарес эса 2 та гол уриб, 2 та ассист берди.

Тур якунида энг яхшилар сафига “Интер Майами”нинг яна икки вакили – бош мураббий Тата Мартино ва иккита голли узатмани амалга оширган ярим ҳимоячи Юлиан Грессель кирди.

Турнинг рамзий жамоасидан, шунингдек, дарвозабон Шон Жонсон (“Торонто”), ҳимоячилар Аарон Эррера (“Ди Си Юнайтед”), Майлз Робинсон (“Цинциннати”) ва Ноа Эйл (“Нью-Йорк Ред Буллс”), ярим ҳимоячилар Андрес Гомес (“Реал Солт-Лейк”) Лусиано Акоста ("Цинциннати"), Селио Помпеу ("Сент-Луис Сити") ва ҳужумчи Жозеф Пэйнтсил ("Лос-Анжелес Гэлакси") кирган.

Уч тур натижасига кўра, "Интер Майами" иккита ғалаба ва бир дурангга эга. Жамоа навбатдаги ўйинни 11 март куни "Монреал Импакт"га қарши ўтказади.