Bugun Italiyadagi lisenzion turnir doirasida 4 nafar bokschimiz ringga ko‘tariladi.

Ulardan dastlab, musobaqadagi ilk uchrashuvini -57 kg vaznda bahs olib boradigan vakilamiz Sitora Turdibekova finlyandiyalik Vilma Vitanenga qarshi o‘tkazadi. Jang taxminan Toshkent vaqti bilan 20:30 da bo‘lib o‘tadi.

Ikkinchi bahsda esa -71 kg vaznda g‘alabali odimlayotgan bokschimiz Asadxo‘ja Mo‘ydinxo‘jayev germaniyalik Magomed Elim Schachidovga qarshi bahs olib boradi. Ushbu jang esa Toshkent vaqti bilan 21:45 dan boshlab start oladi.

Lazizbek Mullojonov ham bugun ringga ko‘tariladi. -92 kg vaznda Olimpiyada o‘yinlari yo‘llanmasi uchun kurashayotgan  bokschimiz turnirdagi dastlabki bahsini litvalik Darius Voisnarovichga qarshi olib boradi. Jang Toshkent vaqti bilan 22:30 da boshlanadi.

Vakillarimiz ishtirokidagi so‘ngi bahsni esa Ruslan Abdullayev yakunlab beradi. -63,5 kg vaznda ringga ko‘tarilayotgan bokschimizning bu safargi raqibi Puerto-Riko vakili Xose Adriyel Dias Rodriges bo‘ladi. Ushbu jangni esa Toshkent vaqti bilan 00:45 dan boshlab kuzatib borishingiz mumkin.

7 mart kuni jang qiladigan o‘zbekstonlik bokschilar:

-57 kg. Sitora Turdibekova - Vilma Vitanen (Finlyandiya) — 20:30.

-71 kg. Asadxo‘ja Mo‘ydinxo‘jayev - Magomed Elim Schachidov (Germaniya) — 21:45.

- 92 kg. Lazizbek Mullojonov - Darius Voisnarovich (Litva) — 22:30.

-63.5 kg. Ruslan Abdullayev - Xose Adriyel Dias Rodriges (Puerto-Riko) — 00:45.