“RB Leypsig” himoyachisi David Raum “Real”ga qarshi Yevropa Chempionlar ligasi 1/8 final javob o‘yinidagi (1:1) hakamlik haqida gapirdi.
O‘yinni italiyalik Davide Massa boshchiligidagi hakamlar brigadasi boshqarib bordi.
Eslatib o‘tamiz, birinchi o‘yin 1:0 hisobida “Real”ning g‘alabasi bilan yakunlangan edi. Shu tariqa Madrid klubi turnirning chorak finaliga chiqdi.
"Men hakamlikni g‘alati deb aytmagan bo‘lardim, ammo hakam men va sheriklarim bilan biroz jilmayib gapirdi.
U, albatta, yaxshi hakam, lekin biz ham yaxshi va sovuqqon yigitlarmiz. Biz bilan odatdagidek gaplashishingiz mumkin. Nazarimda, u “Real” futbolchilariga xushmuomalalik bilan murojaat qildi.
Chempionlar ligasi kabi turnirda hakamlik borasida fikr bildirishim uyat. Bu yerda eng yaxshilarning eng yaxshilari ishlashi kerak.
U, albatta, eng yaxshi hakam, lekin u noto‘g‘ri qarorlar qabul qildi.", - deya Raumning so‘zlarini keltirgan Trierischer Volksfreund.
