"Manchester Siti" bosh murabbiyi Pep Gvardiola Chempionlar ligasi 1/8 finali javob uchrashuvida "Kopengagen" ustidan qozonilgan g‘alabadan so‘ng (3:1) fikr bildirdi.
"O‘yinlar yig‘indisiga ko‘ra, hisob 6:2 va bu oson bo‘lgandek tuyulishi mumkin. Lekin yo‘q. "Real Madrid" "RB Leypsig"ni qiyinchilik bilan mag‘lub etdi va biz "RB Leypsig"ni yutganimizda, odamlar juda oson g‘alaba deb qayd etishgandi.
Ammo bu unday emas. Bu har doim qiyin bo‘lgan.
Premyer-liga chempionligi uchun kurashda qolish qiyin, Angliya kubogida o‘ynash qiyin, "Luton"ni mehmonda mag‘lub etish qiyin.
Ammo odamlar buni oddiy deb qabul qilishadi. Ammo ijobiy tomoni ham bor - bu bizning standartlarimiz yuqori ekanligini anglatadi", - dedi Gvardiola jurnalistlarga.
