Kamila Valiyeva Rossiya terma jamoasidan chetlashtirildi, deb xabar berdi Rossiya figurali uchish federasiyasi.
2024-yilning 29-yanvarida Sport arbitraj sudi konkida uchuvchini antidoping qoidalarini buzgani uchun to‘rt yilga diskvalifikasiya qilgandi.
“Valiyeva hozirda terma jamoa tarkibida emas. Hammasi qonun hujjatlariga muvofiq amalga oshirildi", dedi TASSga Rossiya figurali uchish federasiyasi bosh direktori Aleksandr Kogan.
Valiyeva 17 yoshda. Pekindagi 2022 yilgi Olimpiadada jamoaviy va shaxsiy turnir oldidan figurali uchuvchi o‘zini doping mojarosi markazida qoldirdi: Olimpiya o‘yinlari oldidan Rossiya chempionatida o‘tkazilgan doping testida undan taqiqlangan trimetazidin preparati izlari topildi.
Olimpiya o‘yinlari paytida chaqirilgan favqulodda komissiyaning yig‘ilishida rossiyalik sportchiga o‘yinlarning individual musobaqalarida ishtirok etishga ruxsat berish to‘g‘risida qaror qabul qilindi, chunki sinov paytida u voyaga yetmagan va qo‘shimcha tekshiruv o‘tkazish kerak edi.
2024-yil 29-yanvarda sud Valiyevani antidoping qoidalarini buzganlikda aybdor deb topdi va uni to‘rt yilga diskvalifikasiya qildi.
Diskvalifikasiya 2021-yil 25-dekabrda boshlanadi. O‘sha paytdan boshlab ko‘rsatilgan figurali uchuvchining natijalari va unvonlari bekor qilindi.
Xalqaro konkida uchish ittifoqi Valiyeva va Rossiya terma jamoasini Olimpiadada figurali uchish bo‘yicha jamoaviy turnirda olgan oltinidan mahrum qildi.
Kamila Valiyeva 2022-yilda Yevropa chempionligi unvonidan ham mahrum bo‘ldi; uning Pekin Olimpiadasida olgan to‘rtinchi o‘rni ham bekor qilindi.
29 fevral kuni Shveysariya Federal Oliy sudi Valiyeva ishi bo‘yicha apellyasiya arizasini ro‘yxatga oldi. Sud tomonidan prosessual qonunbuzarliklar yuzaga kelgan taqdirda, Shveysariya Federal sudida SAS hukmiga e’tiroz bildirish mumkin.
Agar Shveysariya Federal sudi konkida uchuvchining tarafini olsa, ish ko‘rib chiqish uchun CASga qaytariladi.
