Камила Валиева Россия терма жамоасидан четлаштирилди, деб хабар берди Россия фигурали учиш федерацияси.

2024-йилнинг 29-январида Спорт арбитраж суди конкида учувчини антидопинг қоидаларини бузгани учун тўрт йилга дисквалификация қилганди.

“Валиева ҳозирда терма жамоа таркибида эмас. Ҳаммаси қонун ҳужжатларига мувофиқ амалга оширилди", деди ТАССга Россия фигурали учиш федерацияси бош директори Александр Коган.

Валиева 17 ёшда. Пекиндаги 2022 йилги Олимпиадада жамоавий ва шахсий турнир олдидан фигурали учувчи ўзини допинг можароси марказида қолдирди: Олимпия ўйинлари олдидан Россия чемпионатида ўтказилган допинг тестида ундан тақиқланган триметазидин препарати излари топилди.

Олимпия ўйинлари пайтида чақирилган фавқулодда комиссиянинг йиғилишида россиялик спортчига ўйинларнинг индивидуал мусобақаларида иштирок этишга рухсат бериш тўғрисида қарор қабул қилинди, чунки синов пайтида у вояга етмаган ва қўшимча текширув ўтказиш керак эди.

2024-йил 29-январда суд Валиевани антидопинг қоидаларини бузганликда айбдор деб топди ва уни тўрт йилга дисквалификация қилди.

Дисквалификация 2021-йил 25-декабрда бошланади. Ўша пайтдан бошлаб кўрсатилган фигурали учувчининг натижалари ва унвонлари бекор қилинди.

Халқаро конкида учиш иттифоқи Валиева ва Россия терма жамоасини Олимпиадада фигурали учиш бўйича жамоавий турнирда олган олтинидан маҳрум қилди.

Камила Валиева 2022-йилда Европа чемпионлиги унвонидан ҳам маҳрум бўлди; унинг Пекин Олимпиадасида олган тўртинчи ўрни ҳам бекор қилинди.

29 февраль куни Швейцария Федерал Олий суди Валиева иши бўйича апелляция аризасини рўйхатга олди. Суд томонидан процессуал қонунбузарликлар юзага келган тақдирда, Швейцария Федерал судида САС ҳукмига эътироз билдириш мумкин.

Агар Швейцария Федерал суди конкида учувчининг тарафини олса, иш кўриб чиқиш учун CАСга қайтарилади.