Ispaniya chempionatining 28-turi doirasida «Jirona» o‘z maydonida «Osasuna»ni qabul qilib, ishonchli g‘alabani qo‘lga kiritdi.

Uchrashuvning 13-daqiqasida mezbonlar futbolchisi Kristian Portu hisobni ochgan bo‘lsa, o‘yin tugashiga 4 daqiqa qolganida Savio Moreyra yakuniy hisobni o‘rnatdi.

«Jirona» mazkur g‘alabadan keyin ochkolarini 62 taga yetkazdi va jadvalda «Barselona»ni (61) quvib o‘tib, 2-o‘ringa qaytdi.

Ispaniya chempionati, 28-tur
Jirona – Osasuna 2:0 (1:0, 1:0)
Gollar: 1:0 – 13 Portu, 2:0 – 86 Savio.
Jirona – Gassaniga, Blind, David Lopes, Erik Garsiya, Migel Gutyerres, Aleish Garsiya, Martin (Garsiya, 90), Sigankov (Yan Kouto, 64), Portu (Solis, 80), Savio (Torre, 90), Dovbik (Stuani, 80).
Osasuna – Errera, Areso (Ibanyes, 88), Unai Garsiya, Katena, Errando, Moxika, Torro (Moyses Gomes, 70), Ruben Garsiya (Raul Garsiya, 70), Monkayola, Oros, Budimir (Arnais, 88).
Ogohlantirishlar: Martin (35), Errando (45), Erik Garsiya (58), Portu (68), Areso (72), Moyses Gomes (90).