"Real"ning sobiq futbolchisi Ronaldo Madrid klubiga aloqadorligi aytilayotgan hujumchi Erling Xoland haqida gapirdi.
"Real Madrid" siyosati dunyodagi eng yaxshi o‘yinchilarga ega bo‘lishdir. Xoland eng yaxshilaridan biri. Hamma uni jamoada ko‘rishni xohlaydi. "Manchester Siti" ajoyib ish qilyapti, menimcha, Xoland u yerda baxtli.
Umid qilamanki, biz bu yulduzlarning barchasini bitta klubda ko‘ra olamiz. Agar ular "Real"da birlashsa, bu menga "Galaktikos"ni eslatadi. Bu o‘yinchilarning birgalikda ishlashini ko‘rish zo‘r bolar edi. Bu ajoyib natijalarga erishadigan aqlbovar qilmaydigan jamoa bo‘ladi.
Lekin o‘ylaymanki, Karlo Anchelotti uchun bu barcha futbolchilarni boshqarish qiyin bo‘ladi. Shu bilan birga, yomon o‘yinchilardan ko‘ra, yaxshi futbolchilardan iborat tarkibni yig‘ish osonroq. Bu murabbiy uchun katta muammo bo‘lmaydi", - deya Ronaldoning so‘zlarini keltiradi Daily Mail.
