Muhammad Salohning termadagi sobiq jamoadoshi Ahmad Refat maydonda yurak xurujiga uchradi va Misr chempionati o‘yinni dahshatli voqea sabab to‘xtatdi.

Misr terma jamoasi safida 9 marta o‘yin o‘tkazgan 30 yoshli forvard dushanba kuni Iskandariyaning “Ittihod” jamoasiga qarshi o‘yinda qatnashishi kerak edi. U o‘sha o‘yinni zaxira o‘rindig‘ida boshladi.

KingFut tomonidan e’lon qilingan bayonotda shunday deyiladi: “Ahmad Refatning yuragi stadion yaqinidagi Zamzam kasalxonasi tibbiy xodimlarining barcha urinishlariga qaramay bir soatdan ko‘proq vaqt davomida to‘xtab qoldi. Uning ahvoli hali ham tibbiy jihatdan beqaror, bu esa uning boshqa kasalxonaga ko‘chirishga to‘sqinlik qiladi. Salomatligi barqarorlashmas ekan, futbolchi davolanishni davom ettiradi va kerakli tekshiruvlardan o‘tadi.

Klub vaziyatni nazoratga olgan va futbolchining ahvolidagi o‘zgarishni ma’lum qilib turadi. Biz ommaviy axborot vositalarini futbolchining shaxsiy hayotini hurmat qilishga chaqiramiz va misrlik futbol muxlislaridan Ahmad Refatning tezroq sog‘-omon bo‘lishi uchun duo qilishlarini so‘raymiz”.

“Liverpul” superyulduzi Saloh bilan birga o‘ynagan Refat avvalroq "Zamalek" jamoasida bilan Misr Kubogi va Superkubogini qo‘lga kiritgan va 2021 yilning oktyabridan beri “Modern Future”da o‘ynab kelmoqda.