Муҳаммад Салоҳнинг термадаги собиқ жамоадоши Аҳмад Рефат майдонда юрак хуружига учради ва Миср чемпионати ўйинни даҳшатли воқеа сабаб тўхтатди.

Миср терма жамоаси сафида 9 марта ўйин ўтказган 30 ёшли форвард душанба куни Искандариянинг “Иттиҳод” жамоасига қарши ўйинда қатнашиши керак эди. У ўша ўйинни захира ўриндиғида бошлади.

KingFut томонидан эълон қилинган баёнотда шундай дейилади: “Аҳмад Рефатнинг юраги стадион яқинидаги Замзам касалхонаси тиббий ходимларининг барча уринишларига қарамай бир соатдан кўпроқ вақт давомида тўхтаб қолди. Унинг аҳволи ҳали ҳам тиббий жиҳатдан беқарор, бу эса унинг бошқа касалхонага кўчиришга тўсқинлик қилади. Саломатлиги барқарорлашмас экан, футболчи даволанишни давом эттиради ва керакли текширувлардан ўтади.

Клуб вазиятни назоратга олган ва футболчининг аҳволидаги ўзгаришни маълум қилиб туради. Биз оммавий ахборот воситаларини футболчининг шахсий ҳаётини ҳурмат қилишга чақирамиз ва мисрлик футбол мухлисларидан Аҳмад Рефатнинг тезроқ соғ-омон бўлиши учун дуо қилишларини сўраймиз”.

“Ливерпуль” суперюлдузи Салоҳ билан бирга ўйнаган Рефат аввалроқ "Замалек" жамоасида билан Миср Кубоги ва Суперкубогини қўлга киритган ва 2021 йилнинг октябридан бери “Modern Future”да ўйнаб келмоқда.